Francisco Forgiamonte scribe in Interlingua

Interlingua es un lingua planificate natural, un lingua soror del familia del linguas romance. | Interlingua ist eine natürliche Plansprache, eine Schwestersprache der romanischen Sprachfamilie. | Interlingua is a natural planned language, a sister language of the Romance languages.

Monday, January 16, 2006

Sonios con consequentias


Un studio universitari, nominate „beauty-check“, probava, que humanos hodierne trova belle ante toto facies artificial, generate al computator. Isto ha consequentias fatal: Nam iste imagine ideal non existe in le vita real. In pensatas e actiones, subconsciente, on es in permanente cerca de un esser human perfecte – ma iste via duce in le nihil. Le mesme cognition anque ganiava le association „cassa de tresor“ que se fundava in le sud-west de Germania. Un circulo, consistente de personas honorari, probava le formation de un mediation non-commercial de partners, ma illes abandonava enervate le tentativa post un anno. Il non esseva possibile cambiar le ideas del cercantes de partners e liberar se del imagines ideal. Si le apparentia non esseva juste, ben que characteristicas del character esseva apte, un incontro esseva refusate intransigente. Le alte precio del „societate de beltate“ es, in consequentia, le solitude.

1 Comments:

  • At 8:39 AM, Blogger carlos.alberto said…

    Quanto belle "sona" le Interlingua que vos scribe! Leger vos es apprender!
    Congratulationes pro vostre instructive e attrahente blog.

     

Post a Comment

<< Home