Comments on Francisco Forgiamonte scribe in Interlingua: Libere post Rapimento in Irak

Car Peter,il ha regretabilemente troppo casos de r...

2005-12-20T05:10:00.000-08:00

Car Peter,

il ha regretabilemente troppo casos de rapimentos e cata caso, terminante con le liberation, es un causa de gaudio.

Si, post le cadita del regime de Saddam Hussein occurreva cosas, que on non pote explicar sin recerca del causas. O illo esseva energia criminal o illo esseva le rabie super le regime cadite. Probabilemente ambes. Ma le resultato es, que multe benes cultural, historic e/o archeologic esseva destruite pro sempre o vendite (e le quales, que habeva comprate iste benes, non es melior, que le robatores de istos). Qual rollo habeva jocate le soldatos del SUA? Io non lo sape. Ma al minus illes, o dicite plus melior, lor gerentes, esseva naive o mal preparate al situation. Concernente iste guerra - como dice le apprentisse mago: „Le spectros, le quales io appellava, ora io non pote liberar me de illos“ (per Goethe; es le traduction assi juste o acceptabile?).

Io non ha jammais audite de isto, ubi olim le cuna del populo hungare esseva. Interessante, que le loco (possibilemente) esseva in Mesopotamia e le ancestres esseva le sumeros. Probabilemente un explication pro le lingua hungare, que es multo differente al altere linguas de Europa. Peter, forsan un thema pro un articulo in interlingua.

Franz Schmiedeberg

Io intendeva scriber [addition posterior]:>>Io non...

2005-12-19T07:40:00.000-08:00

Io intendeva scriber [addition posterior]:

>>Io non sape qualcosa super le comportamento del soldatos american in ille pais [in iste question, i.e. le robamento e vender de tresores archeologic], ma...<<

Car Franz!Un simile caso era illo del jornalistas ...

2005-12-19T07:33:00.000-08:00

Car Franz!

Un simile caso era illo del jornalistas romanian (e ruman, de facto), qui era facite prisioneros; finalmente anque illes deveniva liberes.

Super le historia anterior de tote iste cosa io vole recordar uno, que immediatemente post le liberation de Saddam Hussein le actual inhabitantes de Iraq (arabes) robava e vendeva toto, que era possibile; inter alteres le valorosissime tresores archeologic del epocha de Mesopotamia, inter istos illos del summeros, le qual populo es opinate como le ancestres del hungaros, secundo multes. E iste tresores non solmente haberea potite provar le radices de nos hungaros, ma etiam era valorose in le cultura mundial. Io non sape qualcosa super le comportamento del soldatos american in ille pais, ma in altere respectos anque lor comportamento es discutibile, injustificabile secundo multes (e secundo alicun novas, que son permittite a ser transfiltrate pro le mundo).

Péter Kovács